VOİCEPRESS-in report-a istinadən məlumatına görə, Bakı Hərbi Məhkəməsinin hakimi Həbib Həsənovun sədrliyi ilə keçirilən prosesdə keçmiş MTN generalı S.Qurbanovun müdafiəsinə yeni vəkilin qoşulduğu elan olunub. Onun yeni vəkili Adil İsmayılovdur.
Prosesə jurnalistlər buraxılmayıb.
Prosesdə həbsdə olan təqsirləndirilən şəxslərin vəkillləri vəsatətlə çıxış ediblər.
Onlar hüquqlarını müdafiə etdikləri şəxslərin barələrində seçilmiş həbs qətimkan tədbirinin ev dustaqlığı ilə əvəz edilməsini istəyib.
Məhkəmə vəsatəti təmin etməyib.
Daha sonra dövlət ittihamçısı vəsatət qaldırıb. Prokurur zərərçəkmiş Cəmşid Novruzovun vəkili Kamandar Nəsibovun iclasdan uzaqlaşdırılmasını tələb edib: “Vəkil Kamandar Nəsibovun bu işlə oxşar cinayət işində, MTN generalı Akif Çovdarovun da müdafiəçisi olduğu üçün onun prosesdə iştirak etməsi mümkün deyil”.
Vəsatət təmin edilib.
Təqsirləndirilən şəxslərin müdafiəsinə qoşulan vəkillər isə cinayət işi ilə tanış olmaq üçün məhkəmədən vaxt istəyiblər.
Proses fevralın 21-dək təxirə salınıb.
Məhkəmə iclasından sonra isə jurnalistlər təqsirləndirilən, hazırda polisin nəzarətində olan N.Mirvətovaya ittihama münasibət bildirməsi ilə bağlı sual ünvanlayıblar. Sabiq MTN generalı isə KİV nümayəndələrinə “rədd olun burdan”” deyərək, suallara cavab verməyib. O, jurnalistləri təhqir edərək ərazidən uzaqlaşıb.
VOİCEPRESS.AZ