“Facebook”da beynəlxalq pulköçürmə sistemi də olacaq. VOİCEPRESS-in “vistanews.ru”ya istinadən verdiyi xəbərə görə, Böyük Britaniyanın “TransferWise” şirkəti “Facebook” sosial şəbəkəsində pul köçürmələrini işə salıb.Həmin funksiya artıq beynəlxalq miqyasda işləyir.
“Facebook”dakı çat-bot sosial şəbəkədə qeydiyyatdan keçmiş bütün istifadəçilər üçün əlçatan olacaq. Artıq bu funksiyadan Kanada, ABŞ, Avropa, Avstraliya və Böyük Britaniya sakinləri istifadə edə bilərlər. Tərtibat nəinki pul köçürmələrində faydalıdır, həmçinin məlumatlandırıcıdır. Xidmətdə birja bazarlarındakı vəziyyətlə bağlı məlumatları da almaq imkanları təqdim edilib.
Xatırladaq ki, bu yenilənmə hələ ötən il ABŞ-da daxili istifadəçilərin istifadəsi üçün mümkün idi, ancaq indi bütün dünya üzrə genişlənib.
VOİCEPRESS.AZ
