Ermənistan iki yerə parçalanır

0
314063

Ermənistanda aprelə nəzərdə tutulan parlament seçkiləri yaxınlaşdıqca hakim Qarabağ klanı ilə yerli ermənilər arasında mübarizə dərinləşir.

VOİCEPRESS-in məlumatına görə, bu mübarizə Ermənistanın tanınmış siyasətçisi Raffi Ovanisyanın yaratdığı “İrs” partiyasında parçalanmaya səbəb olub.

“Kavkazskiy Uzel”in yazdığına görə, bu, Qarabağ klanının aparıcı fiqurlarından olan Seyran Ohanyanın yaratdığı “Üçüncü Respublika” partiyasının “İrs” partiyası ilə vahid seçki blokunda birləşməsindən sonra baş verib. Partiyanın qurucusu Raffi Ovanisyan qərarı dəstəkləsə də, parlament fraksiyasının rəhbəri Zarui Postancyan bunun əleyhinə çıxıb və iclası boykot edib.

Zarui Postancyan bu illər ərzinlə Qarabağ klanının ən barışmaz düşməni kimi tanınıb. Bir neçə il öncə Qarabağ klanının indiki lideri, Ermənistan prezidenti Serc Sarkisyan Avropa parlamentində çıxış edərkən Zarui Postancyanın sualı hər kəsi şoka salmışdı. Zarui Postancyan ondan tələb etmişdi ki, Ermənistanı məhv etmək üçün Azərbaycandan aldığı 50 milyon dolları rüşvəti etiraf etsin.

Partiya lideri Raffi Ovanisyan ABŞ-da böyüdüyündən bu xırdalıqlara fikir verməsə də, Zarui Postancyan Ermənistan ermənilərini təmsil edir və ondan ötrü Qarabağ erməniləri sadəcə “şurtvas”dır. İrəvan erməniləri Qarabağ ermənilərini erməniləşmiş türk, ən yaxşı halda erməniləşmiş alban sayırlar.

Ümumiyyətlə, ermənilər Qarabağ ləhcəsini başa düşmür, çünki bu ləhcədə əksər fellər və isimlər Azərbaycan türkcəsindədir. Bu isə İrəvan ermənilərini çox əsəbiləşdirir. Qarabağ ermənilər bütün Azərbaycan erməniləri kimi bir-birini yaxşı anlamaq üçün Azərbaycan dilindən istifadə edirlər.
Hətta 2013-cü ilin fevral ayında Vardenisdə (Basarkeçər – red) Serj Sarkisyanın iclasına qatılmış bir Azərbaycan ermənisi ona Azərbaycan dilində müraciət etmişdi: “Sualı ona görə Azərbaycan dilində verirəm ki, ermənicə bu fikirləri ifadə etmək olmur. Biri var prezident sözü, biri də var kişi sözü. İndi sən bizə prezident kimi söz verirsən, yoxsa kişi kimi?”

Sualın bu cür qoyuluşu Azərbaycana və azərbaycanlılara ehtiramdan xəbər verirdi və bu, erməni mətbuatının ciddi hiddətinə səbəb olmuşdu. Yerli ermənilərin Qarabağ klanına nifrəti başa düşüləndir. Serj Sarkisyan və Seyran Ohanyanın birbaşa rəhbərliyi ilə silahsız azərbaycanlılara qarşı törətdikləri Qarabağ soyqırımı Ermənistanın bütün faciələrinin kökündə durur – blokada, işsizlik, yoxsulluq və s. burdan qaynaqlanır.

Buna görə Zarui Postancyan kimi İrəvanda böyümüş siyasətçilər hər vəchlə Qarabağ klanının hakimiyyətdən salınmasına çalışırlar. Aprel seçkiləri bu insanlar üçün böyük ümid yeridir, onlar apreldə nəhayət ki, Qarabağ klanı üzərində qələbə çalacaqlarına ümid edirlər. Amma Qarabağ klanından da hər şey gözləmək mümkündür. Bilmək olmaz, bəlkə, 2008-ci il martın 1-də olduğu kimi İrəvanı qanla iki yerə bölərək qalxan başları kəsəcəklər. Onda etiraz edən 8 nəfər ölmüşdü, bəlkə, bu dəfə ölü sayı yüz dəfələrlə artıq oldu.

VOİCEPRESS.AZ

LEAVE A REPLY

Please enter your comment!
Please enter your name here