VOİCEPRESS xəbər verir ki, mərasimdə çıxış edən liseyin müdiri Hüseyn Dəmirəl 1992-ci il fevralın 25-dən 26-na keçən gecə ermənilərin Xocalıda törətdikləri vəhşiliklər barədə şagirdlərə ətraflı məlumat verib, bunun insanlığa qarşı törədilmiş cinayət olduğunu söyləyib.

Bildirilib ki, faciəyə siyasi-hüquqi qiymət verilib, Xocalı soyqırımının dünyaya tanıdılması istiqamətində mühüm işlər görülüb. Hüseyn Dəmirəl Xocalı soyqırımının beynəlxalq ictimaiyyət tərəfindən tanınması istiqamətində Heydər Əliyev Fondunun əvəzolunmaz işlər gördüyünü də vurğulayıb. Qeyd olunub ki, Fondun vitse-prezidenti Leyla Əliyevanın təşəbbüsü ilə həyata keçirilən “Xocalıya ədalət!” kampaniyası çərçivəsində soyqırımının beynəlxalq miqyasda tanınması üçün geniş təbliğat işləri aparlır.

Çıxışlardan sonra lisey şagirdləri tərəfindən Xocalıya həsr olunmuş şeirlər səsləndirilib və ədəbi-bədii kompozisiya təqdim olunub.

VOİCEPRESS.AZ