Türkiyədə konstitusiya dəyişikliyi ilə bağlı referendumun aprel ayında keçirilməsi planlaşdırılır. VOİCEPRESS Türkiyə KİV-nə istinadən xəbər verir ki, Türkiyə prezidenti Rəcəb Tayyib Ərdoğanın baş müşaviri İlnur Çevik ümumxalq səsverməsinin böyük ehtimalla aprelin 9-də keçiriləcəyini deyib.
İ.Çevik əlavə edib ki, Türkiyədə konsiitusiyaya dəyişikliklərlə bağlı proses Milliyətçi Xalq Partiyasının lideri Dövlət Baxçalının dəstəyi ilə başlayıb: “Bu məsələ dəfələrlə gündəmə gətirilmişdi, amma artıq gündəmdə deyildi. Ta ki, MHP lideri Dövlət Baxçalı məsələni gündəmə gətirdi və o gündən iş rəfdən endirildi. Ədalət və İnkişaf partiyası MHP ilə bu işi birgə gördü və cənab Baxçalının istəyi ilə dəyişiklik ediləcək maddələrin sayı 21-dən 18-ə endirildi”.
VOİCEPRESS.AZ
