ABŞ prezidenti Barak Obama ailəsi ilə birlikdə Havay adalarındakı istirahətdən qayıdıb.
VOİCEPRESS ABC-yə istinadən bildirir ki, ötən ilin dekabrın sonlarında Vaşinqtondakı ənənəvi mətbuat konfransından sonra Barak Obama xanımı Mişel, qızları Maliya və Saşa ilə birlikdə Havay adalarına, Honoluluya yollanmışdı.
İstirahət zamanı Obama mütailə edib, gəzişib, qolf oynayıb. Dekabrın 27-də o, Yaponiyanın baş naziri Sinzo Abe ilə də görüşmüş, sonra Perl-Harborun yapon bombardmanına məruz qalmasının 75 illiyinin anımına həsr olunmuş mərasimə qatılmışdı.
Yanvarın 10-da isə o, vida nitqi ilə ABŞ vətəndaşlarına müraciət edəcək.
“Dövlət başçısı postunda son çıxışımı vətəndaşlara minnətdarlıq etmək, son 8 ildə ölkədəki müsbət dəyişiklikləri bir daha vurğulamaq imkanı kimi qəbul edirəm. Bundan başqa, ölkənin inkişaf yolları ilə bağlı fikirlərimi də bölüşəcəyəm. 2009-cu ildən bəri ABŞ bir çox çətinliklərlə üzləşsə də, həmin problemlər bizi daha da güclü etdi”, – B.Obama deyib.
VOİCEPRESS.AZ
