VOİCEPRESS-in “CNN Türk”ə istinadən verdiyi xəbərə görə, aktrisa, 2012-ci ildə Trampın ona ünvanladığı tvitt haqqında danışıb. Belə ki, həmin ildə “Alatoranlıq” filmlər silsiləsində rol alan Kristin Stüart öz rol yoldaşı Robert Pattinsonla sevgi həyatı yaşayır və az sonra aldadıldığı üçün ayrılır. Bu zaman Donald Tramp aktrisaya belə bir tvitt ünvanlayır: “Robert Pattinson Kristen Stüartı bir it kimi aldatdı və bunu təkrar-təkrar edəcək – o isə yalnız kənardan seyr edəcək – və ardınca daha çoxunu edəcək”.

Kristin Stüart 2012-ci ildə yazılmış bu tvittə yalnız indi münasibət bildirib. Ulduz “Variety” jurnalına müsahibəsində deyib: “Bir neçə il bundan əvvəl o, mənim üçün dəli idi. Mənə böyük marağı var idi. Bu dəlilikdi”.

Stüart əlavə edib ki, Tramp həmin vaxt şou ulduzu statusunda idi və bu dediklərinin heç bir əhəmiyyəti yox idi. “Bu tvitti isə mənə bir yaxınım xatırlatdı”.

Məşhur akrisa üzünü kameraya tutaraq: “Əminəm ki Tramp bu sözlərlə əlaqədar da tvitt atacaq”deyib.

Xatırladaq ki, prezident seçkilərinə bir aydan da az vaxt qalmış Trampa qarşı cinsi təcavüz ittihamları yönləndirilmişdi. ABŞ prezidenti isə bu ittihamları sərt şəkildə rədd etmişdi.

VOİCEPRESS.AZ