Everest zirvəsinin hündürlüyü yenidən ölçüləcək

0
314375

Hindistan hökuməti, dünyanın ən yüksək dağ zirvəsi olaraq qəbul edilən Everestin yüksəkliyinin 2015-ci ildə Nepalda meydana gələn zəlzələdən sonra dəyişib-dəyişmədiyini təyin etmək üçün yenidən ölçmələr aparılacağını açıqlayıb.

Topoqraf Suarna Subba Rao ölçmə işlərini icra edəcək qrupun bölgəyə iki ay içərisində göndərilməsinin planlaşdırıldığını bildirib.

VOİCEPRESS BBC-yə istinadən xəbər verir ki, dağın yüksəkliyi GPS vasitəsilə və 3D üsulu ilə ölçüləcək. Araşdırma qrupunun işlərində Nepal hökuməti də əməkdaşlığa razı olub.

Rao, bəzi elm adamlarının hər kəsi dağın yüksəkliyinin azaldığına dair inandırmağa çalışdıqlarını, ancaq onların bununla bağlı qəti bir sübutunun olmadığını da vurğulayıb.

Digər tərəfdən, ABŞ Geoloji Araşdırma Mərkəzi Himalay dağ silsiləsinin bir hissəsinin yüksəkliyinin 2015-ci ilin aprel ayının 25-də Nepalda baş verən 7,8 bal gücündəki zəlzələdən sonra 1 metrə qədər azaldığını açıqlamışdı. Peyk məlumatları da zəlzələdən sonra Everestin yüksəkliyinin azaldığına işarə edib.

VOİCEPRESS.AZ

LEAVE A REPLY

Please enter your comment!
Please enter your name here