"Türkiyə ictimaiyyəti Dağlıq Qarabağa qanunsuz səfər barədə məlumatsızdır"

Türk dünyası / Manşet

846

"Təəssüflər olsun ki, Türkiyə ictimaiyyəti bir neçə ölkə vətəndaşının Azərbaycanın erməni işğalı altında olan Dağlıq Qarabağ bölgəsinə qanunsuz səfəri barədə yetərincə məlumatlandırılmayıb".

VOİCEPRESS
trend-ə istinadən xəbər verir ki, bunu Türk Media Assosiasiyasının rəhbəri Əkrəm Kızıltaş deyib.

Ə.Kızıltaş qeyd edib ki, Türkiyə vətəndaşlarının işğal altındakı Dağlıq Qarabağa qeyri-qanuni səfəri ilk növbədə Ankara əleyhinə yönəlmiş bir addımdır:

"Yerevana səfər, həmçinin işğal altında olan Dağlıq Qarabağa qeyri-qanuni səfər Xalqların Demokratik Partiyasının (HDP) üzvləri tərəfindən həyata keçirilib. HDP öz fəaliyyətini Türkiyə əleyhinə olmaqla yanaşı, Türkiyənin dost və qardaş münasibətlərində olduğu ölkələrə qarşı da yönəldib".

O hesab edir ki, ilk növbədə, Türkiyə ictimaiyyəti həmin şəxslərin erməni işğalı altında olan Dağlıq Qarabağa qanunsuz səfəri ilə bağlı ciddi şəkildə məlumatlandırılmalıdır: "Bu şəxslərin iç üzü ifşa edildikdən sonra isə onların Türkiyə və Azərbaycan əleyhinə yönəlmiş fəaliyyətlərinə qarşı ciddi tədbirlər görülməsinə nail olmaq mümkün olacaq".

Qeyd edək ki, sentyabrın 22-də Türkiyə vətəndaşları Ufuk Uras, Əli Bayramoğlu, Səid Çəkinoğlu və Erol Katırçıoğlu Ermənistan silahlı qüvvələri tərəfindən işğal olunan Azərbaycan ərazisi Dağlıq Qarabağa qeyri-qanuni səfər ediblər. Azərbaycan Baş Prokurorluğunun Ağır Cinayətlərə Dair İşlər üzrə İstintaq İidarəsində Cinayət Məcəlləsinin 318.2-ci (Azərbaycan Respublikasının dövlət sərhədini qanunsuz olaraq keçmə) maddəsi ilə bu şəxslər barəsində cinayət işi başlanılıb. Onlar Cinayət Məcəlləsinin qeyd olunan maddəsi ilə təqsirləndirilən şəxs qismində cəlb olunmaqla barələrində məhkəmənin qərarları ilə həbs qətimkan tədbiri seçilərək dövlətlərarası axtarışa verilib. Həmin şəxslərin tutularaq istintaqa cəlb olunmaları məqsədilə Türkiyə hüquq-mühafizə orqanlarına müraciət edilib.

Bir müddət sonra isə Türkiyə Böyük Millət Məclisinin HDP-dən olan deputatı Karo Paylan Yerevana səfər edib. O, Yerevanda çıxışı zamanı Ankaranı qondarma "erməni soyqırımı"nı tanımağa çağırıb və Ermənistanın Türkiyədən daha demokratik ölkə olduğunu deyib.

VOİCEPRESS.AZ


Ранее » Türkiyədən Kərkük əməliyyatına reaksiya: Hazırıq!« Далее İraqın şimalında Türkiyənin 2 hərbçisi şəhid olub, 3-ü yaralanıb