Elmar Məmmədyarov fransalı nazirlə Dağlıq Qarabağ münaqişəsini müzakirə etdi

Siyasət / Manşet

1 866

Elmar Məmmədyarov fransalı nazirlə Dağlıq Qarabağ münaqişəsini müzakirə etdi
Fransaya işgüzar səfəri çərçivəsində Azərbaycanın xarici işlər naziri Elmar Məmmədyarov Fransanın Avropa məsələləri üzrə dövlət naziri Harlem Dezir ilə görüşüb.

Azərbaycan XİN-in mətbuat xidmətindən VOİCEPRESS.Az-a verilən məlumata görə, görüşdə Ermənistan-Azərbaycan münaqişəsinin həlli üzrə aparılan substantiv danışıqlar prosesinin mövcud vəziyyəti barədə ətraflı fikir mübadiləsi aparıldı. Tərəflər münaqişənin həlli üzrə aparılan substantiv danışıqlar prosesinin daha da sürətləndirilməsinin vacibliyini qeyd etdilər.

E.Məmmədyarov münaqişənin tezliklə həllinə nail olmaq üçün Azərbaycanın daim substantiv və nəticə yönümlü danışıqların tərəfdarı olduğunu vurğulayıb.

Görüşdə, həmçinin Azərbaycan və Fransa arasında ikitərəfli siyasi, iqtisadi və mədəni əlaqələrin davamlı şəkildə inkişafından məmnunluq ifadə olunub.


VOİCEPRESS.AZ

Ранее » Moskva Bakıya təşəkkür etdi« Далее İlham Əliyev: "Ölkə vətəndaşları daha çox Azərbaycanda dinc...