Dağlıq Qarabağa səfər edən Türkiyə vətəndaşları beynəlxalq axtarışa verildi

Siyasət / Manşet

648

Dağlıq Qarabağa səfər edən Türkiyə vətəndaşları beynəlxalq axtarışa verildi
Baş prokuror Zakir Qaralov bir qrup Türkiyə vətəndaşının işğal altındakı Dağlıq Qarabağ ərazisinə qanunsuz səfər etməsinə münasibət bildirib.

VOİCEPRESS xəbər verir ki, Baş prokuror bu barədə cinayət işinin başlandığını deyib: "Təəssüflər olsun ki, bir qrup Türkiyə vətəndaşı ərazi bütövlüyümüzə hörmətsizlik göstərərək erməni qəsbkarları tərəfindən işğal olunmuş Dağlıq Qarabağa səfər edib.

Bununla bağlı Baş Prokurorluq məlumat alandan dərhal sonra həmin şəxslər barəsində cinayət işi açılıb və onlar barəsində beynəlxalq axtarış elan olunub. Onların səfəri Türkiyə dövlətinin mövqeyi deyil. Onlar ermənipərəst mövqeyi ilə tanınan şəxslərdir və PKK-nı dəstəkləyirlər, müstəqil kürd dövlətinin yaradılmasını təbliğ edirlər. Kimliyindən asılı olmayaraq Dağlıq Qarabağa qanunsuz səfər edənlərlə bağlı cinayət işi başlayacaq və onları bütün ölkələrdə izləyəcəyik".

VOİCEPRESS.AZ


Ранее » Səfir: "Azərbaycanla münasibətlərin daha da yaxşılaşdırılması Türkiyə...« Далее Milli Məclisin nümayəndə heyəti ATƏT PA-nın payız sessiyasında iştirak...