Akim Bədəlov: " Heydər Əliyev kimi şəxsiyyət mənə o zaman dəstək olmasaydı, mən yenə də oxuyacaqdım, amma mən bu mən olmayacaqdım"

Siyasət / Manşet

6 021

Akim Bədəlov:
"İnsan intelekti ən böyük əmtəədir".Bunu VOİCEPRESS-ə açıqlamasında Azərbaycan Respublikasının Alternativ və Bərpa Olunan Enerji Dövlət Agentliyinin sədri Akim Bədəlov deyib.
Onun sözlərinə görə, bu gün Azərbaycan gənci yetəri qədər iti biliyə və uzaqgörən baxış nöqtəsinə malikdir: "Bu gün hər bir məktəblə ayrı ayriliqda əməkdaşlıq etmək niyyətindəyik. Heydər Əliyev məni tanımadığı halda oxumağıma, təhsil almağıma dəstək oldu. İnanın mənim kimi insanlar on minlərlədir. Çünki Heydər Əliyev uzaqgörənliyi bu günki gənc nəslin potensialını hələ illər əvvəl görürdü.

Bəlkə də, Heydər Əliyev kimi şəxsiyyət mənə o zaman dəstək olmasaydı, mən yenə də oxuyacaqdım, amma mən bu mən olmayacaqdım. Mənim məktəbdə şəxsiyyətlərinə pərəstiş etdiyim müəllimlərim olmasaydı bəlkə də, mən bu nailiyyətləri əldə edə bilməzdim. Bu gün gənc nəsildə təhsilə maraq görəndə mən sevinirəm.

Onların bu həvəsi qarşısında biganə qalmaq mümkünsüzdür. Hesab edirəm ki, biz agentlik olaraq şagirdlərin Samuxa, Qobustana səfərlərini təşkil etməliyik. Onların daha geniş informasiya və bilgi ilə təmin etməyi öhdəmizə götürməliyik. Və ya şagirdlərin Təhsil Nazirliyi və məktəb direktorları ilə razılaşdırılmış şəkildə yay və qış tətilləri çərçivəsində Qobustan Poliqonunda yay düşərgəsi qismində ekskursiyalarını təşkil edə bilərik. Məktəblilərin elmi konfransını keçirmək lazımdır. Buna bu gün ehtiyac var. Biz də cənab prezidentimiz İlham Əliyevin kölgəsi altında ona layiq olmağa çalışırıq. Bu isə hər birimizin borcudur".


VOİCEPRESS.AZ


Ранее » ISESCO-nun baş direktoru: "Bakı Ali Neft Məktəbi regionun ən nü...« Далее Ermənilərin cəbhədə jurnalist vurulmasına iddiasına cavab