İlham Əliyev: "Naxçıvanda istehsal olunan mallar dünya bazarlarına rahatlıqla çıxa biləcək"

  • 11-01-2017, 22:55
  • 256
İlham Əliyev:
Naxçıvanda istehsal olunan mallar dünya bazarlarına rahatlıqla çıxa biləcək. VOİCEPRESS AZƏRTAC-a istinadən bildirir ki, bunu Azərbaycan Prezidenti İlham Əliyev Naxçıvan şəhər 3 nömrəli tam orta rus məktəbinin pedaqoji kollektivi və şəhər ictimaiyyətinin nümayəndələri ilə görüşündə deyib.

Dövlət başçısı qeyd edib ki, doğrudan da son illər ərzində Naxçıvan böyük inkişaf yolu keçib: "Naxçıvan şəhərinin abadlaşdırılması, gözəlləşdirilməsi, infrastruktur layihələrinin icrası, bütün şəhər və kəndlərin abadlaşması prosesi onu göstərir ki, respublika möhkəm ayaqda dayanır. Hesab edirəm ki, bu gün Naxçıvan Muxtar Respublikasının çiçəklənmə dövrüdür. Çünki bütün istiqamətlər üzrə işlər uğurla gedir və gözəl nəticələr var. Bu gün mən üç rayonda - Ordubad, Culfa, Şahbuz rayonlarında və Naxçıvan şəhərində olmuşam. Ordubad rayonunda elektrik stansiyasının təməli qoyuldu. Bu, çox böyük layihədir, böyük stansiya olacaq, 36 meqavat gücündə su elektrik stansiyası tikiləcək. Bu, Naxçıvan Muxtar Respublikasının iqtisadi və enerji potensialını böyük dərəcədə gücləndirəcək. Naxçıvanın enerji təhlükəsizliyi təmin edilir. Son illərdə bir neçə stansiya tikilmişdir. Xatırlayıram, 2010-cu ildə Biləv Su Elektrik Stansiyasının açılışını qeyd etmişdik, 2014-cü ildə Arpaçay Su Elektrik Stansiyasının, 2015-ci ildə isə Günəş Elektrik Stansiyasının açılışları olmuşdur. Bunlardan əvvəl isə Naxçıvan Qaz-Turbin Elektrik Stansiyası istifadəyə verilmişdir. Yəni, respublikanın enerji potensialının möhkəmləndirilməsi işində çox böyük addımlar atılmış və enerji təhlükəsizliyi tam təmin edilmişdir. Ordubad Su Elektrik Stansiyasının işə düşməsindən sonra isə enerji təhlükəsizliyi daha da möhkəmlənəcək və eyni zamanda, Naxçıvanın ixrac potensialı daha da artacaq. Çünki bu gün respublika elektrik enerjisini ixrac edir".

Prezident bildirib ki, Naxçıvanda qazlaşdırma layihələri artıq neçə ildir ki, başa çatıb: "İndi Naxçıvanda qazlaşdırma 100 faizdir. Elə bir yaşayış məntəqəsi yoxdur ki, orada qaz olmasın. Bu da böyük nailiyyətdir. Bildiyiniz kimi, 2005-ci ildə burada mənim iştirakımla İran İslam Respublikasından Naxçıvana mübadilə yolu ilə təbii qazın verilməsinə başlanmışdır. Artıq üstündən on ildən çox vaxt keçib və bu layihə çox uğurla icra edilir. Ordubad Su Elektrik Stansiyasının yaradılması da İran ilə Azərbaycan arasında imzalanmış və təsdiqlənmiş saziş əsasında baş verir. Ordubad və Marazad Su Elektrik stansiyalarının tikintisi həm İranın, həm də Azərbaycanın enerji gücünü artıracaq və eyni zamanda, bu layihə İran-Azərbaycan dostluğunun təzahürüdür. Biz enerji sahəsində, digər sahələrdə uğurlu əməkdaşlıq edirik. Bu yaxınlarda Naxçıvan-Təbriz-Məşhəd dəmir yolu qatarı yola salındı".

İlham Əliyev deyib ki, enerji potensialı və enerji təhlükəsizliyi Naxçıvan üçün xüsusi əhəmiyyət daşıyır: "Çünki ölkəmizin əsas hissəsi ilə Naxçıvanın coğrafi əlaqəsi yoxdur. Belə olan halda biz mütləq enerji potensialının inkişafına fikir verməliyik. Bu gün Naxçıvan elektrik enerjisi ilə tam təmin olunub və eyni zamanda, enerji ixrac edir. Naxçıvan təbii qazla da tam təmin olunub. Gələcəkdə bərpa olunan enerji növlərinin yaradılmasından, xüsusilə Ordubad Su Elektrik Stansiyasının işə düşməsindən sonra Naxçıvanda enerji məsələləri ilə bağlı bundan onilliklər sonra heç bir problem olmamalıdır. Bununla bərabər, əlbəttə ki, digər infrastruktur layihələri daim diqqət mərkəzindədir. Naxçıvan şəhərini digər şəhərlərlə birləşdirən gözəl və çox keyfiyyətli yollar salınıb. Bu gün mən bu yollardan keçmişəm. Onlar bir neçə ildir ki, istifadəyə verilib, amma elə bil ki, dünən tikilib. Yəni, çox gözəl, keyfiyyətli yollardır. Naxçıvan-Culfa, Naxçıvan-Şahbuz, Naxçıvan-Sədərək yolları ən yüksək standartlara cavab verir. Bir yol layihəsi hələ ki, öz həllini gözləyir. Bu da Culfa-Ordubad layihəsidir. Biz onu da növbəti mərhələdə həll edəcəyik və beləliklə, şəhərlərarası yollar problemi aradan götürüləcək. Kənd yollarının tikintisi də uğurla gedir və bu proses davam edəcək.

Bu gün biz Culfa və Şahbuz rayonlarında içməli su və kanalizasiya layihələrinin rəsmi açılışını qeyd etdik. Bu da çox önəmli layihələrdir. Hər iki şəhərə təmiz, Dünya Səhiyyə Təşkilatının standartlarına uyğun içməli su verilməsinə başlanmışdır. Ondan əvvəl Naxçıvan şəhəri su ilə təmin edilmişdir. Bu gün biz artıq digər şəhərlərə də suyun verilməsini təmin edə bildik. Bu da çox önəmlidir. İnsan sağlamlığı üçün əsas amillərdən biri də təmiz sudur. Biz onu da həll etmişik. Bu il Dövlət İnvestisiya Proqramında Naxçıvan Muxtar Respublikasının digər şəhərlərinin su-kanalizasiya problemlərinin həlli məsələləri də öz əksini tapacaq. Yəni, bunlar əsas infrastruktur layihələridir - elektrik enerjisi, təbii qaz, içməli su, yollar. Artıq demək olar ki, bu işlərin mütləq əksəriyyəti görülübdür. Bu, respublikanın potensialını göstərir, eyni zamanda, sosial infrastruktur da yaradılır. Bax, bu məktəb bunun bariz nümunəsidir. Son illər ərzində Naxçıvan Muxtar Respublikasında artıq 200-ə yaxın yeni məktəb tikilib, yaxud da ki əsaslı şəkildə təmir olunub. Təmirə ehtiyacı olan cəmi bir neçə məktəb qalıb. Əminəm ki, yaxın gələcəkdə bu məsələ də həllini tapacaq".

Azərbaycan Prezidenti bildirib ki, digər sosial infrastruktur layihələri səhiyyə ilə bağlıdır: "Hesab edirəm ki, Naxçıvan bu istiqamətdə də nümunəvi bir respublikadır. Burada bütün şəhərlərin və rayonların mərkəzi xəstəxanaları yenidən tikilib. Mən onların bəzilərinin açılışlarında iştirak etmişəm. Naxçıvan şəhərində doğum evi, diaqnostika mərkəzi, respublika xəstəxanası, bütün bu tibb ocaqları ən yüksək standartlara cavab verir və ən müasir avadanlıq quraşdırılıb.

Naxçıvanın gözəlləşməsi, abadlaşması məni çox sevindirir. Əminəm ki, sizi də sevindirir. Binalar təmir olunur, yeni, gözəl binalar tikilir, geniş prospektlər salınır. Abadlıq-quruculuq işləri bir tərəfdən ölkəmizin gücünü, digər tərəfdən Naxçıvan rəhbərliyinin səmərəli işini, sakinlərin bu işlərə olan münasibətini göstərir. Bütün bu işlər böyük məhəbbətlə, zövqlə və səliqə ilə görülür".

Dövlət başçısı qeyd edib ki, Naxçıvan dünya miqyasında öz gözəlliyi ilə seçilən bir şəhərdir: "Əlbəttə ki, Naxçıvanın qədim və zəngin tarixi bizim milli sərvətimizdir. Naxçıvan Azərbaycanın qədim diyarıdır, qədim torpağıdır. Burada tarixi abidələr qorunur. Bu tarixi abidələr bizim qədim tariximizi göstərir. Onu göstərir ki, əsrlər boyu Azərbaycan xalqı bu diyarda yaşayıb, yaradıb. Bu, bizim böyük milli sərvətimizdir.

Nəhayət, biz Naxçıvanın nəqliyyat problemlərinin həlli üçün də çalışırıq. Qeyd etdiyim kimi, Naxçıvan-Təbriz-Məşhəd dəmir yolu fəaliyyətə başlayıb. Bildiyiniz kimi, biz indi İran İslam Respublikası və Rusiya ilə Şimal-Cənub nəqliyyat dəhlizi üzərində işləyirik. İşlərin bizə aid olan hissəsi artıq başa çatıb. Bu dəhliz tam işə düşəndən sonra Naxçıvan dəmir yolu ilə İran vasitəsilə Azərbaycanın əsas hissəsi ilə də birləşəcək. Biz bu layihəni sürətləndirmək istəyirik ki, tezliklə bu baş versin. Ondan sonra Naxçıvanda istehsal olunan mallar artıq dünya bazarlarına rahatlıqla çıxa biləcək və insanlar üçün bu, əlbəttə ki, əlavə imkanlar yaradacaq".


VOİCEPRESS.AZ
Oxşar xəbərlər
XƏBƏR LENTİ
Bu gün, 16:56Ronaldo həbsxanaya düşə bilər Bu gün, 16:53Dünya bu fotodan danışır-Müsəlman və yəhudidən dünyaya birlik dərsi Bu gün, 16:46BMT-də Ermənistan işğalçı kimi tanındı Bu gün, 16:21Hərbi xidmətdən yayınanların işi çətinləşir Bu gün, 16:03Moskvada terror TƏHLÜKƏSİ: Saxlanılanlar var Bu gün, 15:2616 yaşında transfer edilən ən bahalı 10 futbolçu Bu gün, 15:19Qənirə Paşayeva: "Güc birlikdədir!" Bu gün, 14:58Kempoçular arasında 28 may "Respublika günü"nə həsr olunmuş turnir keçirildi Bu gün, 14:43"Gürcüstan Azərbaycan qazından asılıdır" - Kaxa Kaladze Bu gün, 14:32İran səfirliyi: "Bakıdan bütün dünyaya birlik, qardaşlıq, sülh və dostluq mesajı ötürüldü" Bu gün, 14:31Məktəb vaxtı uzadıla bilərmi? - "Siniflərə kondisioner qoysunlar" Bu gün, 14:23Xüsusi əməliyyat zamanı 2 türk hərbçi öldü Bu gün, 14:06Londonda səfirliklər hərbçilər tərəfindən mühafizə olunacaq Bu gün, 13:55Azərbaycanda bu xəstələrin sayı artır Bu gün, 13:47Beynəlxalq Bankdan əmanətlərin çıxarılmasına məhdudiyyət var? - RƏSMİ CAVAB Bu gün, 13:35Azərbaycanda təhsil haqqı azaldılır? - "1000 manat endirim edəcəyik" Bu gün, 13:28Mançesterdə növbəti terror həyəcanı! Ordu şəhərə yeridildi Bu gün, 12:57Bakı Olimpiya Stadionu dünyanın ən yaxşılarından biri oldu Bu gün, 12:54Jurnalistlərə ev verilməsində "texniki işçilər" anlayışına aydınlıq gətirildi Bu gün, 12:50Gənc alim və mütəxəssislərin 4-cü birgə qrant müsabiqəsi elan olunub Bu gün, 12:48Dövlət Komissiyası: Naməlum məzar yerlərində beynəlxalq standartlara uyğun ekshumasiya işləri aparılacaq Bu gün, 12:42Sabah hava isti olacaq Bu gün, 12:40Habil Əliyevin 90 illiyinə həsr olunmuş yubiley gecəsi keçiriləcək Bu gün, 12:38Elmar Məmmədyarov Nyu-Yorkda BMT-nin Baş katibi ilə görüşüb Bu gün, 12:30"Azərbaycanda iqtisadiyyatın inkişaf tempi ilə bağlı müsbət dəyişikliklər gözlənilir" Bu gün, 12:27Surkovun ordusu, Qarabağda döyüşən muzdlular Bu gün, 12:19Güzəştli mənzil əldə etmək üçün müraciətlərin qeydiyyatı başlayır Bu gün, 12:06Rusiyanın "İsgəndər-M" raket kompleksləri ilk dəfə istifadə olundu - Tacikistanda Bu gün, 12:04Azərbaycanlı nazir ifadə verdi, ölkədə kütləvi həbslər başladı Bu gün, 11:51Mançesterdəki terakt İngiltərə-ABŞ münasibətlərini soyutdu Bu gün, 11:39Ərdoğanı Brüsseldə futbolçu qarşıladı Bu gün, 11:25Ordu Günü ilə Ramazan bayramı üst-üstə düşür - Qeyri-iş günlərinin sayı artırıldı Bu gün, 11:12Xocalı hava limanından uçuşlara qarşı tədbirlər görüləcək Bu gün, 10:49Ermənilər Şuşada aeroport açdılar Bu gün, 10:22Qızıl 6 dollar bahalaşdı Bu gün, 10:20Rusiyada fövqəladə vəziyyət elan olundu Bu gün, 09:48Joze Mourinyo 3-cü, "Mançester Yunayted" 5-ci oldu Bu gün, 09:46Bu gün müəllimlər imtahan verir Bu gün, 09:43Deputat: "İslamiada Azərbaycanı mütərəqqi, müasir ölkə kimi təqdim etdi" Bu gün, 09:41Karateçilərimizin şərəfinə verilən ziyafətdə şok ölüm
Все новости
VİDEO
© 2016 Copyright Voice Press. Bütün hüquqları qorunur. Məqalələrə istinad etmək mütləqdir