İndoneziyada baş verən güclü zəlzələdə ölənlər arasında azərbaycanlı varmı?

Ölkə içi

567

İndoneziyada baş verən güclü zəlzələdə ölənlər arasında azərbaycanlı varmı?
İndoneziyanın Lombok adasında avqustun 9-da təkrar zəlzələ baş verib. Təkrar zəlzələ nəticəsində xəsarət alan və ya ölənlər arasında Azərbaycan Respublikasının vətəndaşının olması məsələsini araşdırmaq üçün ölkəmizin İndoneziyadakı səfirliyi bu ölkənin müvafiq qurumları ilə davamlı olaraq təmasdadır.

VOİCEPRESS.AZ xəbər verir ki, bunu Azərbaycan Xarici İşlər Nazirliyinin mətbuat xidmətinin rəhbəri Hikmət Hacıyev bildirib.

O qeyd edib ki, avqustun 6-da həmin ərazidə baş vermiş zəlzələdə həlak olan və yaralananlar arasında Azərbaycan Respublikası vətəndaşının olması qeydə alınmayıb

"İndoneziya dövlət qurumları tərəfindən zəlzələ zonasında olan əcnəbi vətəndaşlara müvafiq yardım və dəstək göstərilir.

Turizm və ya digər məqsədlə hal-hazırda zəlzələ zonasında olan və xüsusi yardıma ehtiyacı olan Azərbaycan Respublikası vətəndaşları +62 812 89796665 (Nəsibov Ruslan) qaynar xətti ilə ölkəmizin İndoneziyadakı səfirliyi ilə əlaqə saxlaya bilərlər".

VOİCEPRESS.AZ

Ранее » Nazirlik Bakıda ağac kəsəni cəzalandırdı« Далее XƏBƏRDARLIQ- Külək güclənəcək, temperatur aşağı enir