• 23:24 – 3 BMT sülhməramlısı güllələndi 22:35 – Suriyada yaşayış məntəqələri bombalandı: 5 ölü 20:43 – BDU-nun hüquq fakultəsinin I kurs tələbəsi itkin düşdü - FOTO 19:07 – Səməd Seyidov Ümumavropa Qarabağ mitinqindən DANIŞDI: “Çox böyük əhəmiyyət kəsb edir” 18:35 – Azərbaycanlıların Brüsseldəki Qarabağ mitinqindən FOTOLAR 
  • 17:09 – Ümumavropa Qarabağ mitinqi başladı – Avropanın ürəyindən CANLI YAYIM 
  • 19:31 – Azərbaycan Ukraynaya avtomobil ixrac edəcək 
  • 12:00 – Jurnalistə Dövlət Komitəsində vəzifə verilib 

Nazirlik dəhşətli qəzaya görə hərəkətə keçdi

Nazirlik sürücülərin reysqabağı tibbi müayinədən keçirilməsində nöqsana yol verən, sürücülərin iş və istirahət vaxtlarına əməl etməyən hüquqi və fiziki şəxslərlə bağlı müvafiq qaydada ölçü götürüləcək, insan həyatı üçün təhlükə yaradan faktorlar əsas götürülərək daşıyıcı qismində fəaliyyətlərinə həmişəlik xitam verilməsinə dair tədbir görüləcək.

Bu barədə VOİCEPRESS.AZ-a Nəqliyyat Rabitə Yüksək Texnalogiyalar Nazirliyi yanında Dövlət Avtomobil Nəqliyyatı Xidmətindən bu gün Bakı-Ələt yolunda yük maşını ilə avtobusun toqquşması və 17 nəfərin yaralanıb, 1 nəfərin ölümü ilə nəticələnən qəza barədə məlumat verərkən bildirilib.

Qeyd edilib ki, məlum qəza ilə bağlı nazirlik yanında Dövlət Avtomobil Nəqliyyatı Xidmətinin Yükdaşımaların Tənzimlənməsi sektorunun müdiri Arif Məmmədov, Avtomobil Nəqliyyatı ilə Daşımaların Təşkili MMC-nin müvafiq struktur heyəti hadisə yerində olublar.

“Hazırda sərnişin və yük daşımalarını həyata keçirən sürücülərin peşə hazırlığı ilə əlaqədar də bir sıra problemlərin mövcud olduğuna baxmayaraq, daşımalarla məşğul olan sürücülərin hazırlanmasını həyata keçirən tədris müəssisələrinin fəaliyyətinin təkmilləşdirilməsi məqsədilə hökümətə ən yaxın zamanda təqdim edilməsi üçün kompleks tədbirlər paketi hazırlanıb.

Eyni zamanda, DANX nəzdində fəaliyyət göstərən Təlim-Tədris Mərkəzinin maddi-texniki bazasının yaxşılaşdırılması, bu mərkəzdə ölkədaxili və beynəlxalq yük və sərnişin daşımaları həyata keçirən sürücülərin, habelə taksi sürücülərinin xüsusi proqram əsasında peşə fəaliyyətinə və davranışına uyğun hazırlanması üçün Beynəlxalq Nəqliyyat Forumunun Keyfiyyət Xartiyasına uyğun tədrisin təşkil olunması vasitəsilə xarici mütəxəssislərin cəlb edilməsinə dair danışıqlar aparılır.

Bu danışıqların nəticəsi olaraq növbəti ildən həm sürücülər, həm də mütəxəssislər üçün vacib olan beynəlxalq sertifikatlar vermək hüququnu əldə etmək, planda olan ən vacib məsələlərdəndir”, - məlumatda bildirilib.

Xatırladaq ki, bu gün Bakı-Ələt magistral yolunda 90 OJ 802 dövlət nömrə nişanlı “Kamaz” 149 saylı sərnişin avtobusu ilə toqquşub. İlkin ehtimala görə, yük maşınının sürücüsünün sükan arxasında yuxuya getməsi nəticəsində yük maşınının arxadan vurduğu avtobusda 1 nəfər ölüb, 17 nəfər xəsarət alıb.

Baş vermiş hadisə ilə bağlı Baş İstintaq və Təhqiqat İdarəsinin İstintaq və Təhqiqat Şöbəsində Cinayət Məcəlləsinin 263.2-ci (yol hərəkəti və nəqliyyat vasitələrinin istismarı qaydalarını pozma, ehtiyatsızlıqdan zərərçəkmiş şəxsin ölümünə səbəb olduqda) maddəsi ilə cinayət işi başlanıb.


VOİCEPRESS.AZ
рейтинг: 
Оставить комментарий
Biz sosial şəbəkələrdə
  • Facebook
  • Twitter