Azərbaycan dilinin orfoqrafiya lüğəti yenidən yazılacaq

Ölkə içi

2 412

Azərbaycan dilinin orfoqrafiya lüğəti yenidən yazılacaq
Azərbaycan dilinin yeni orfoqrafiya lüğəti hazırlanacaq.

VOİCEPRESS xəbər verir ki, bunu Azərbaycan Milli Elmlər Akademiyasının (AMEA) vitse-prezidenti İsa Həbibbəyli Rəyasət Heyətinin bugünkü iclasında çıxış edərkən deyib.

O qeyd edib ki, Prezident İlham Əliyevin AMEA-nın 70 illik yubiley tədbirində dilimizin lüğət tərkibinin imkanları və ana dilimizin saflığının qorunması haqqında irəli sürdüyü fikirlər dilçilik elminin qarşısında mühüm vəzifələr qoyur. Bu baxımdan müstəqillik dövrünün yeni orfoqrafiya lüğətinin hazırlanması əhəmiyyət kəsb edir.

İ.Həbibbəyli mövzu ətrafında müzakirələrin aparılması, lüğətin nəşri məqsədilə Akademiyanın prezidenti, akademik Akif Əlizadənin rəhbərliyi ilə Respublika Komissiyasının yaradılmasını təklif edib.

İclasda AMEA Nəsimi adına Dilçilik İnstitutuna bir ay müddətində aidiyyəti elmi qurumları ilə birlikdə orfoqrafiya lüğətinin qayda və prinsiplərini hazırlayıb müzakirəyə təqdim etmək, eləcə də 2018-ci ilin may ayına kimi yeni lüğətin hazırlanmasını təmin etmək tapşırılıb.

VOİCEPRESS.AZ


Ранее » Vəhhabilər Güzdəkdə yas mərasiminə hücum etdi - Video« Далее Məhbusların qaçması məsələsi nazirlikdə müzakirə olundu