Sabah günün birinci yarısında metronun "Xətai" stansiyası işləməyəcək

Ölkə içi / Manşet

891

Sabah günün birinci yarısında metronun
Sabah Bakı Metropoliteninin "Şah İsmayıl Xətai" stansiyası günün birinci yarısında sərnişinlərə xidmət göstərməyəcək.

Bu barədə VOİCEPRESS-ə açıqlamasında "Bakı Metropoliteni" Qapalı Səhmdar Cəmiyyətinin mətbuat xidmətinin rəhbəri Nəsimi Paşayev bildirib.

Onun sözlərinə görə, stansiya saat 12:00-a kimi işləməyəcək. Həmin vaxt "Cəfər Cabbarlı" stansiyasından "Şah İsmayıl Xətai" stansiyasına qatarlar hərəkət etməyəcək.

N.Paşayev bildirib ki, saat 12:00-dan etibarən "Şah İsmayıl Xətai" stansiyasına giriş açıq olsa da, "Cəfər Cabbarlı" stansiyasından bu istiqamətə gediş olmayacaq. Saat 15:00-dan sonra hər iki stansiya normal qrafik üzrə işləyəcək.


VOİCEPRESS.AZ


Ранее » Dövlət Dəniz Administrasiyasında Xocalı soyqırımı ilə bağlı...« Далее Erməni silahlıları cəbhədə FƏALLAŞIB - Mövqelərimiz gecəboy...