“Əlil” tanınma nişanından qanunsuz istifadə edənlər cərimələnəcəklər

Ölkə içi / Manşet

795

“Əlil” tanınma nişanından qanunsuz istifadə edənlər cərimələnəcəklər
Azərbaycanda avtomobilin idarəsi zamanı “əlil” adından qanunsuz istifadə edənlər cəzalandırılacaq.
VOİCEPRESS-in xəbərinə görə, Milli Məclisin iclasında bununla bağlı İnzibati Xətalar Məcəlləsinə dəyişiklik müzakirəyə çıxarılıb. Dəyişiklik layihəsinə əsasən, “əlil” tanınma nişanından qanunsuz istifadə edənlər 40 manat məbləğində cərimə olunacaqlar.

Bundan başqa, nəqliyyat vasitəsinin parklanmasına görə, müəyyən edilmiş ödəniş aparılmadan və ya ödəniş aparılmış müddətdən artıq parklanma yerindən istifadə üçün əlavə ödəniş edilmədən sürücünün parklanma yerini tərk etməsinə görə, eyni zamanda nəqliyyat vasitəsinin qanunla müəyyən edilmiş parklanma üsulunu pozmaqla parkalnmaya görə 10 manat məbləğində cərimə tətbiq olunacaq. Əlillərin nəqliyyat vasitələri üçün nəzərdə tutulmuş parklanma yerlərində digər nəqliyyat vasitələri saxlayanlar 10 manat cərimə ediləcəklər. Parklanma yerlərində icazə verilmiş maksimum kütləsi 3,5 tondan çox olan yük avtomobillərinin parklanmasına görə, habelə parklanma yerlərinin rezervasiya edilməsi və ya digər üsullarla nəqliyyat vasitələrinin sərbəst parklanmasına maneələr yaradılmasına görə 10 manat məbləğində cərimə tətbiq olunacaq. Qanun layihəsi səsverməyə çıxarılaraq qəbul olunub.


VOİCEPRESS.AZ


Ранее » Külli miqdarda dolların ölkə ərazisindən çıxarılmasının qar...« Далее Hava yenidən pisləşəcək
Flag Counter