• 00:06 – Binəli Yıldırım istefa verdi: VİDA ÇIXIŞI - VİDEO 23:26 – Sumqayıt sakinləri İlham Əliyevi belə qarşıladı 22:57 – Güclü külək Şamaxıya da ziyan vurdu 22:39 – İtaliya ATƏT PA İpək Yoluna Dəstək Qrupuna qoşulur 21:37 – “Kölgə iqtisadiyyatı”na ağır zərbə vurulub” - Səfər Mehdiyev 
  • 16:27 – Ombudsmandan Xocalı soyqırımı ilə bağlı bəyanat 
  • 08:26 – Manat yeni həftəyə bu MƏZƏNNƏ ilə başladı 
  • 16:13 – Kənd Təsərrüfatı Nazirliyində yeni direktor TƏYİNATI 

6 ayına kimi uşaqlara su verilməlidirmi?

Körpə dünyaya gəldikdən sonra valideynləri maraqlandıran əsas məsələlərdən biri də onun qidalanmasıdır. Körpələrə ilk 6 ayda suyun verilməsi valideynlər, hətta pediatrlar arasında çaşqınlıq yaradan məsələlər sırasındadır. Belə ki, həkimlərin bir qismi bu hərəkəti doğru addım saymasa da, digər qismi lehinə danışır.

VOİCEPRESS medicina.az-a istinadən bildirir ki, pediatr-neonatoloq Altay Abdullaoğlunun dediyinə görə, ilk 6 ayda körpəyə su verilməməlidir: "Biz 6 ayına kimi körpələrə qida olaraq ana südünün verilməsini məsləhət görürük, hətta vacib bilirik. Ana südünün çox hissəsi sudan ibarət olduğu üçün körpənin əlavə suya ehtiyacı yaranmır.
Hazır qidalardan istifadə edən zaman isə uşaqlara müəyən məqamda qismən su verilə bilər. Çox zaman buna da ehtiyac qalmır."

Mütəxəssis "Bir çox valideynlər bildirirlər ki, müəyyən müddət uşağa su vermədikləri üçün körpələrin suya ehtiyacı tamamilə yox olub və artıq istəsələr də maye qəbul etdirə bilmirlər. Bu nə dərəcədə doğrudur" sualına da cavab verib.

"Körpənin su içməməyinin səbəbi ilk aylarında verilməməsi ola bilməz. Körpəyə şokolad verilsə, təkrar istəyəcək. Bu o demək deyil ki, şokolad verilməlidir. Su da həmçinin", - deyə pediatr bildirib.

Qeyd edək ki, bəzi pediatrlar əksini düşünərək suyun vacibliyini vurğulayırlar. Bəzi ana südlərinin tərkibinin yağlılıq və şirinlik dərəcəsi çox olduğundan körpənin suya ehtiyacını normal hal sayırlar.

VOİCEPRESS.AZ
рейтинг: 
Оставить комментарий
Biz sosial şəbəkələrdə
  • Facebook
  • Twitter