• 12:15 – Azərbaycanlı “Tank” almaniyalı rəqibinə aman vermədi 12:09 – Emin Milli Əli İnsanovu üzr istəməyə çağırdı - QALMAQAL 11:43 – Yaxın Şərqdə gərginlik – İsrail cavab verəcəyini açıqladı 11:29 – Ukraynada prezidentliyə ən şanslı namizədlər - REYTİNQ 11:26 – Milli komandamız bu gün Litvanı qəbul edir 
  • 15:21 – İlham Əliyev iraqlı həmkarına başsağlığı verdi 
  • 11:22 – Sıxılmış qazla işləyən avtobusların Azərbaycana idxalı ƏDV-dən azad ediləcək 
  • 13:21 – Hava yenə PİSLƏŞƏCƏK – Bakıda yağış, bölgələrə qar yağacaq 

Fikrət Əmirovun 95 illik yubileyi münasibətilə konsert keçirilib

Bakı Şəhər Mədəniyyət və Turizm Baş İdarəsinin F.Əmirov adına 6 nömrəli onbirillik İncəsənət məktəbinin şagirdləri Beynəlxalq Muğam Mərkəzinin səhnəsində “Musiqi-rəng-rəqs” adlı konsertlə çıxış ediblər.

İdarədən VOİCEPRESS-ə verilən məlumata görə, konsert görkəmli Azərbaycan bəstəkarı Fikrət Əmirovun 95 illik yubileyinə və onun adını daşıyan 6 nömrəli onbirillik İncəsənət məktəbinin yaradılmasının 55-illiyinə həsr olunub.

Konsertdə Bakı Şəhər Mədəniyyət və Turizm Baş idarəsinin rəis müavinləri Nazim Əliyev, Gülnarə Seyidova, Gənclər və İdman idarəsinin rəis müavini Sevinc Süleymanova, Binəqədi Rayon İcra Hakimiyyətinin İctimai-siyasi və humanitar məsələlər şöbəsinin müdir müavini Rauf Həsənov, Bakı şəhər uşaq musiqi və incəsənət məktəblərinin direktorları Binəqədi rayon YAP ilk partiya təşkilatları və digər qonaqlar iştirak ediblər.

İlk öncə məktəbin rəssamlıq şöbəsi “Musiqi-rəqs-rəng” mövzusunda öz əl işlərini təqdim edib, professor, əməkdar müəllim Adilə Yusifovanın tərtib etdiyi səhnəcik tamaşaçıların diqqətinə çatdırılıb. Şagirdlərin əllərində rəsm əsərləri oynaq ritmlərin ahəngində sanki bir anda canlanır, hərəkətə gəlir, incəsənətin-musiqi, rəqs, rəssamlıq kimi növlərini vahid fikir altında birləşdirirdi. Həmçinin “Odlar yurdu” rəqs kollektivinin ifasında “Qavalla rəqs” və “Azərbaycan süitası” rəqsləri də dinləyicilərin gürultulu alqışları ilə qarşılanıb

Daha sonra müxtəlif müsabiqələrdə uğurlu nəticələr göstərmiş məktəbin istedadlı şagirdləri Azərbaycan Respublikasının xalq artisti Teymur Göyçayevin rəhbərliyi altında Q.Qarayev adına Dövlət Kamera Orkestrının müşayəti ilə bu mötəbər səhnədə əsl peşəkarcasına ifalar təqdim ediblər.

Konsertin proqramına həm Azərbaycan həm də xarici ölkə bəstəkarlarının əsərləri daxil edilmişdir.

Fikrət Əmirovun 95 illik yubileyi münasibətilə konsert keçirilib

Fikrət Əmirovun 95 illik yubileyi münasibətilə konsert keçirilib

Fikrət Əmirovun 95 illik yubileyi münasibətilə konsert keçirilib

Fikrət Əmirovun 95 illik yubileyi münasibətilə konsert keçirilib

Fikrət Əmirovun 95 illik yubileyi münasibətilə konsert keçirilib



VOİCEPRESS.AZ
рейтинг: 
Оставить комментарий
Biz sosial şəbəkələrdə
  • Facebook
  • Twitter