Metro üçün növbəti yeni qatar gətirildi

İqtisadiyyat / Ölkə içi

945

Metro üçün növbəti yeni qatar gətirildi
Bakı Metropoliteninin Rusiyadan sifariş etdiyi ikinci qatar da Azərbaycana gətirilib.

VOİCEPRESS.AZ xəbər verir ki, bu barədə Bakı Metropoliteni QSC-nin mətbuat xidmətinin rəhbəri Nəsimi Paşayev Azərtac-a açıqlamasında deyib.

O bildirib ki, Bakı Metropoliteni QSC Rusiyanın Metrovaqonmaş ASC şirkəti ilə 2 yeni qatarın alınmasına dair müqavilə imzalayıb. Artıq ikinci qatar da Azərbaycandadır. Hazırda Rusiyadan gələn mütəxəssis heyəti ilə bərabər yerli mütəxəssislər tərəfindən qatarın istifadəyə verilməsi prosesi gedir. Avadanlıqlar quraşdırılacaq, sazlanma işləri aparılacaq, daha sonra sınaqlar həyata keçiriləcək. Yalnız bundan sonra qatar xəttə buraxılacaq. Gətirilən ilk qatar isə aprelin 21-dən xəttə buraxılıb

N.Paşayevin sözlərinə görə, yeni qatarların hər biri 5 vaqondan ibarətdir. Bu vaqonlar 4-cü nəsil vaqonlar adlanır və 2015-ci ildə alınan yeni vaqonlardan bir çox üstünlükləri ilə fərqlənir. Yeni qatarlarda havalandırma və kondisioner sistemi var. Qatarda vaqonlararası keçidlər mövcuddur. Vaqonlarda qapıların enli olması da sərnişinlərin daha rahat düşüb-minməsi üçün şərait yaradır.

Qatarlarda mövcud olan ultrabənövşəyi işıqlar vasitəsilə hava bioloji olaraq tənzimlənir. Bu qatar bütün texnoloji avadanlıqlar baxımından ən son nəsilə aid qatardır.

Əsas yeniliklərdən biri isə vaqonların hər birində 16 ədəd olmaqla qatarda 80 ədəd USB portların mövcudluğudur. Bundan əlavə hər vaqonda fiziki məhdudiyyətli insanlar üçün oturacaqlar və əlil arabalarının dayanması üçün yerlər var. Qatar, həmçinin sərnişin tutumuna görə də digər qatarlardan üstündür, onun istismar müddəti 31 ildir.

Qeyd edək ki, yeni qatarların alınması ilə bağlı müqaviləni Bakı Metropoliteni QSC-nin sədri Zaur Hüseynov və “Metrovaqonmaş” şirkətinin baş direktoru Boris Boqatıryev imzalayıb.

VOİCEPRESS.AZ


Ранее » Azərbaycanda yeni tikilən pullu yolun istifadəyə veriləcəyi vaxt...« Далее İpoteka ilə mənzil almaq daha da ASANLAŞDI
Flag Counter