İran: "Tramp buna görə sarsılıb"

Dünya

513

İran:
Tramp səsləndirdiyi bəyanatlarında deyir ki, bu razılaşma, Amerikanın bu günə qədər imzaladığı ən pis sazişdir. Bu isə həmin sazişin uğurlu olmasından xəbər verir.

VOİCEPRESS
xəbər verir ki, bu sözləri İran parlamenti sədrinin müavini Məsud Pezeşkiyan ABŞ Prezidenti Donald Trampın nüvə sazişi haqda səsləndirdiyi bəyanatlarla bağlı deyib.

“Bu onu göstərir ki, sazişin nailiyyətləri ABŞ prezidentini sarsıdıb, əsəbiləşdirib. Bu həm də o deməkdir ki, bizim parlament və diplomatlarımız nüvə sazişi ilə bağlı düzgün qərar veriblər. Şübhə yoxdur ki, əgər Amerika nüvə sazişindən çıxsa və ya bu barədə hər hansı bir qərar qəbul etsə, beynəlxalq qurumlar tərəfindən təcrid olunacaq. Nüvə razılaşması bizimlə Qərb arasında imzalanmış rəsmi sazişdir. Lakin ABŞ tərəfi əsəbi və narahat olduqları üçün oyunun qaydalarını pozmağa çalışırlar”, - Məsud Pezeşkiyan bildirib.

Qeyd edək ki, ABŞ prezidenti hər 90 gündən bir, İranın nüvə sazişinə sadiq qalıb-qalmaması və onun bu razılaşmanın şərtlərinə əməl edib-etməməsi barədə ABŞ Konqresinə hesabat təqdim etməlidir. Bəzi ABŞ rəsmilərinin bildirdiyinə görə, Tramp İranla imzalanmış nüvə sazişi ilə bağlı mövqeyini və ölkəsinin bu sazişdə qalıb-qalmayacağını oktyabrın 12-də açıqlayacaq.

VOİCEPRESS.AZ


Ранее » Çilidə 6,3 bal gücündə zəlzələ« Далее Meksikada türmədə qiyam zamanı ən azı 13 nəfər ölüb