Haqqımızda

VOİCEPRESS.AZ Beynəlxalq İnformasiya Bürosu artıq 3 ildir fəaliyyət göstərir. VOİCEPRESS.AZ beynəlxalq media alanlarının fəaliyyət proqramları formatında çalışmaqdadır. Hər zaman qərəzsiz, tərəfsiz və ədalətli prinsiplərə dayanan fəaliyyət proqramına üstünlük verən informasiya büromuz, Azərbaycan həqiqətlərini dünya ictimaiyyətinə çatdırmağı prearitet mövqe hesab edir. Üç illik fəaliyyəti boyunca VOİCEPRESS kiçik heyyəti ilə bərabər çox böyük uğurlara imza atmışdır.
2014-cü ildən etibarən Pakistanın eks xarici işlər naziri Əkrəm Zəkinin xeyir-duası və Pakistan Jurnalistlər Assosasiyasının rəhbəri Raja Javid Bhattinin dəstəyi ilə Pakistan Azərbaycan Media Forumu qolunun əsasını qoyaraq, Pakistan Azərbaycan arasında media əlaqələrin yaranmasına müvəffəq olduq. VOİCEPRESS.AZ -ın rəhbəri Ülkər Musazadə 2015-ci ilin 31 mart tarixində Moskvada “XXI əsr geosiyasi baxışlar” mövzusunda keçirilən önəmli beynəlxalq konfransda iştirak edən erməniləri bir dəqiqəlik sükutla ayağa qalxıb 31 mart soyqrımı günü ermənilər tərəfindən qətlə yetirilən soydaşlarımızın xatirəsini yad etdirməyə müvəffəq olur. Daha sonra RTR, NTV və digər Rusiya televiziya kanalarına açıq müsahibəsində “Rusiya Ermənistana silah təchizatını davam etdirdiyi halda, ATƏT-in MİNSK Qrupunun həsədrliyindən çıxmalıdır”, kimi bəyanatlarla çıxış edir. VOİCEPRESS.AZ Beynəlxalq İnformasiya Bürosunun təşəbbüsü ilə “Dilqəm və Şahbazı ziyarət et, həqiqətləri gözünlə gör!” adlı könüllü jurnalistlərdən ibarət təşəbbüs qrupu yaradıldı. Bu təşəbbüs qrupuna yerli və yüzlərlə xarici könüllü jurnalistlər qoşuldu. Hər biri Dilqəm və Şahbazı ziyarət edib onların saxlanma şəraitləri ilə tanış olmaq istəyir, onları öz gözləri ilə görmək istədiklərini bildiridilər. VOİCEPRESS-in geniş beynəlxalq auditoriya tərəfindən hadisəni tərəfsiz və faktlara əsaslanaraq, dünya ictimaiyyətinin qəbul edəcəyi dildə təqdim edə bilməsi nəticəsində könüllü jurnalistlər sırasına bir sıra erməni jurnalistlər də qoşulmaq istəklərini bildirmişdi.
Daha sonra VOİCEPRESS.AZ çərçivəsində Pakistan, Türkiyə, Gürcüstan, Latviya, Litviya, Qazaxıstan, Mokedoniya, Çexiya, İsrail, Ukrayna, Rusiya, Amerikanın bir sıra ştatları (Florida, Texas və s. ) mətbu orqanlarında Dilqəm və Şahbaz haqqında sil-silə məqalələr dərc olundu. Hətta Ermənistanın qardaş Türkiyəyə qarşı sürdükləri qondarma soyqrım iddiasının 100 illiyini qeyd edən zaman VOİCEPRESS.AZ Beynəlxalq Bürosunun gərəkli addımları çərçivəsində “Birimiz hamımız üçünük” şüarı altında bir ay boyunca türk dövlətlərinin mətbuatı (Qazaxıstan, Azərbaycan, Türkiyə, Qırğızıstan, Özbəkistan) üzərindən erməni yalanlarına qarşı etiraz aksiyası keçirdi.
Əməkdaşlıq etdiyimiz dövlətlərə iki il əvvəl biz Azərbaycan həqiqətləri ilə bağlı yazıları yazıb, tərcümə edib dərcə göndərirdiksə, bu gün hər bir dövlət ayrı-ayrılıqda Azərbaycan həqiqətləri haqqında öz yazıları ilə çıxış edir. Bu VOİCEPRESS-in bu günə kimi gördüyü əvəzsiz işləri sayəsində ərsəyə gəlmişdir.
Bu gün Azərbaycan adına keçirilən bütün önəmli günlər əməkdaşlıq etdiyimiz dövlətlər tərəfindən orada çox yüksək səviyyədə qeyd olunmaqdadır.
Eyni zamanda 23 iyul 2017-ci ildə VOİCEPRESS.AZ olaraq Türkiyənin Yalova şəhərində keçirilən dünya jurnalistlərinin toplantısında hər il “Yalova Deklorasiyası” üçün icraatı mütləq hesab edilən və qəbul edilən maddələr sırasına “Dağlıq Qarabağ probleminin çözülməsi, Dinc əhalinin ermənilər tərəfindən qətlinə son verilməsi və ATƏT-in Minsk Qrupunda Türkiyənin həmsədrliyinin təmin olunması” kimi maddələrlə üçüncü maddə olaraq, öz əksini tapdı.
Daha sonra VOİCEPRESS.AZ Beynəlxalq İnformasiya Bürosunun Türkiyə təmsilçiliyinin rəsmən əsası qoyuldu. Xarici İşlər Nazirliyinin və Türkiyənin Azərbaycandakı səfirliyinin Mətbuat müşavirliyinin VOİCEPRESS-ə verdiyi yetkiyə əsasən bu gün VOİCEPRESS.AZ-ın Türkiyə təmsilçiliyi rəhbəri sayın Abdullah Türer Yener təyin olunmuşdur.
Bu gün VOİCEPRESS.AZ –da erməni məkirliyini olduğu kimi dünya ictimaiyyətinə çatdırmaq adına “Yanpress” bölməsi fəaliyyət göstərir. Dörd dildə yayımlanan informasiya büromuzda ermənilərin mövcud Ermənistan haqqında söylədikləri ifşaedici sözləri olduğu kimi, Azərbaycan, rus, ingilis və türk dillərində geniş auditoriyaya çatdırılır. Bu tendensiya beynəlxalq aləmdə çox müsbət qarşılanır. Və bu gün əminliklə deyə bilərik ki, beynəlxalq xəbər agentliklərinin ən çox istinad etdikləri xəbərlər sırasında “Yanpress” bölməsinin xəbərləri də, yer almaqdadır.
VOİCEPRESS-in missiyası bununla kifayətlənmir. VOİCEPRESS.AZ olaraq, bizim ən önəmli missiyamız dövlətə dəstək verməkdir. VOİCEPRESS-i digər mətbu orqanlardan fərqləndirən başlıca xüsusiyyət, onun tərəfsiz, ədalətli prinsiplərə dayanaraq, problemi geniş rakursda ictimaiyyətə olduğu kimi təqdim etmək imkanındadır. Bu gün VOİCEPRESS.AZ-ın növbəti təmsilçiliyinin Londonda açılması məsələsi müzakirə mövzusudur və bu müzakirələrin çox uğurlu sədaları gəlir. Bu gün VOİCEPRESS-in bütün dünya mətbuatı ilə şəbəkə formatında əməkdaşlıq prinsiplərinə dayanan iş fəaliyyəti nəticəsidir ki, istənilən xəbəri anında dünya ictimaiyyətinə duyurmaq imkanına malikik.
Qeyd edək ki, VOİCEPRESS.AZ-ın fəaliyyətini yalnız beynəlxalq aləmdə deyil, eyni zamanda ölkədaxili problemlərin çözülməsində də görmək mümkündür. VOİCEPRESS.AZ Erməni əsirliyində olmuş xanımlara dəstək vermək adına təmənnasız reklam kompaniyaları apararaq, müqabilində özəl xəstəanalar tərəfindən onların müalicə olunmasına nail olur. VOİCEPRESS.AZ –a müraciət edən istənilən peşənin sahibi, öz probleminin çözülməsinə nail olur.
Bu gün VOİCEPRESS.AZ Beynəlxalq İnformasiya Bürosunun 3 yaşı tamam olur. Üç il ərzində gördüyümüz işlərin qısa xülasəsini sizlərlə tanış etdik. Bunca sadaladığımız işləri isə biz bu günə kimi təmənnasız olaraq, sırf ictimi əsaslarla həyata keçirmişik.